Ստուգում

 Հայաստանի Հանրապետության կրթության տեսչական մարմինն իր վերահսկողական գործունեության շրջանակում շարունակում է իրականացնել ստուգումներ՝ հանրակրթական ուսումնական հաստատությունների գործունեությունն ուսումնասիրելու, կրթության կազմակերպման արդյունավետությունը բարձրացնելու, օրինականությունն ապահովելու և իրականացվող աշխատանքն առավել թափանցիկ դարձնելու նպատակով։

       Կրթության տեսչական մարմնի մասնագետների կողմից իրականացված ստուգման արդյունքում Տավուշի մարզի N հիմնական դպրոցում արձանագրվել են մի շարք կազմակերպական և ընթացակարգային թերություններ, որոնց վերացման նպատակով մարմինը ներկայացրել է համապատասխան հանձնարարականներ։

Արձանագրված խախտումներ

ՀՀ Տավուշի մարզի N հիմնական դպրոց պետական հանրակրթական ուսումնական հաստատություն ՊՈԱԿ-ին՝ ի դեմս տնօրենի հասցեագրված հանձնարարականով նախատեսվում է մի շարք գործողությունների իրականացում՝ դպրոցում ուսումնական գործընթացի և կառավարման համակարգի բարելավման ուղղությամբ։

1. Դասավանդման օրինականության ապահովում

     Հիմք ընդունելով ստուգման ակտի 10-րդ կետի 2-րդ, 8-րդ, 9-րդ և 14-րդ ենթակետերը՝ դպրոցում պետք է ապահովվի հետևյալ առարկաների դասավանդման կազմակերպումը ՀՀ օրենսդրության պահանջներին համապատասխան․

• վարչական աշխատողի («Ֆիզկուլտուրա» առարկա, տնօրենի ֆինանսատնտեսական գծով տեղակալ), «Ֆիզիկա», «Թվային գրագիտություն և համակարգչային գիտություն» և «Ֆիզկուլտուրա» առարկաների դասավանդումը Հայաստանի Հանրապետության օրենսդրության պահանջներին համապատասխան:

2. Հաստիքների հատկացում օրենսդրությանը համապատասխան

Ակտի 10-րդ կետի 4-րդ, 9-րդ, 10-րդ և 12-րդ ենթակետերի հիման վրա՝ ապահովել կենսաբանության և ինֆորմատիկայի լաբորանտների, էլեկտրոնային կառավարման և դասավանդման ապահովման մասնագետի, ինչպես նաև ռուսերենով ուսուցմամբ դասարանի դասվարի հաստիքների տրամադրումն ու ձևակերպումը՝ ՀՀ օրենսդրության պահանջներին համապատասխան։

3. Դասարանի ձևավորման կարգավորում

Ակտի 10-րդ կետի 11-րդ ենթակետի հիման վրա՝ III բ դասարանում սովորողների թիվը պետք է համապատասխանեցվի օրենքով սահմանված չափանիշներին։

4. Գրադարանավարի գործառույթների նկատմամբ վերահսկողություն

Ակտի 10-րդ կետի 13-րդ ենթակետի հիման վրա՝ դպրոցում պետք է իրականացվի վերահսկողություն գրադարանավարի պաշտոնային պարտականությունների կատարման նկատմամբ՝ ապահովելով վերջինիս գործառույթների լիարժեք իրականացումը։

      Կրթության տեսչական մարմինը շարունակում է իր հետևողական աշխատանքը հանրակրթական համակարգում՝ վերահսկելով դպրոցների գործունեության համապատասխանությունը կրթության պետական չափորոշիչներին։ Նման հանձնարարականները միտված են ոչ թե պատժելուն, այլ աջակցելուն՝ դպրոցներին հնարավորություն տալով շտկելու թերությունները, ապահովելու որակյալ կրթական միջավայր և արդյունավետ կառավարում։

    Կրթության տեսչական մարմինը կարևորում է դպրոցների ղեկավարների պատասխանատու և համագործակցային մոտեցումը՝ ընդհանուր նպատակի շրջանակում կրթության որակի բարձրացում և աշակերտակենտրոն դպրոցական միջավայրի ձևավորում։