Հանդիպումներ մարզերում

Կայացավ ուսումնական հաստատությունների ծնողական համայնքների ներկայացուցիչների հետ հանդիպում։

ՀՀ կրթության տեսչական մարմնի ղեկավար Վաղարշակ Մատիկյանը և ղեկավարի տեղակալ Արսեն Բաղդասարյանը, հանրակրթության վարչության պետ Սուրեն Ավետիսյանը հանդիպեցին Կոտայքի և Արարատի մարզերի ուսումնական հաստատությունների ծնողական համայնքների ներկայացուցիչների հետ՝ քննարկելու ուսումնական գործընթացում առկա խնդիրներն ու լսելու ծնողների առաջարկները։ Հանդիպմանը մասնակցում էին Կոտայքի մարզի շուրջ 20  և Արարատի  մարզի շուրջ 60 ուսումնական հաստատությունների ծնողական համայնքների ներկայացուցիչներ։

Քննարկման ընթացքում բարձրաձայնվեցին մի շարք կարևոր խնդիրներ, այդ թվում՝

Ուսումնական ծրագրերի բարելավման անհրաժեշտությունը։

Ծնողական խորհուրդների դերի կարևորությունը և դրանց աշխատանքի ընթացակարգը՝ սահմանված կարգով։

Երեխաների ուսման գործընթացում ծնողների ներգրավվածության ընդլայնումը՝ ծնողական խորհուրդների կազմակերպած աշխատանքի շրջանակում։

Կրթական միջավայրի անվտանգության բարելավումը և խնդիրների բարձրաձայնման այլ ձևաչափերի պահպանումը։

Միջոցառման ավարտին ծնողական համայնքների ներկայացուցիչները ներկայացրին մի շարք կառուցողական առաջարկներ։

Հանդիպման նպատակն էր ապահովել երկխոսություն ուսումնական հաստատության և ծնողական համայնքի միջև՝ նպաստելով կրթական միջավայրի որակի բարձրացմանը և երեխաների կրթության արդյունավետ կազմակերպմանը։