Հարգելի՛ ուսուցիչներ, դասավանդողներ

ՀՀ կրթության տեսչական մարմնի «Աջակցություն ուսուցման կազմակերպմանը» ծրագրի շրջանակներում հանրակրթական ուսումնական հաստատությունների 6-րդ, 9-րդ և 11-րդ դասարաններում «Հայոց լեզու» և «Մաթեմատիկա» («Հանրահաշիվ», «Երկրաչափություն») առարկաներից դասալսումներ իրականացնելու նպատակով հայտարարվում է մրցույթ։

Դասալսումներ իրականացնող մասնագետներին ներկայացվող պահանջներն են՝

1. Բարձրագույն մանկավարժական կրթություն՝ համապատասխան որակավորմամբ,

2. Վերջին տասը տարվա ընթացքում տվյալ առարկայի (ըստ դիպլոմում նշված որակավորման) ուսուցչական գործունեության առնվազն 5 տարվա աշխատանքային ստաժ կամ վերջին 10 տարվա ընթացքում տվյալ առարկային վերաբերող գիտամանկավարժական գործունեության առնվազն 2 տարվա աշխատանքային ստաժ կամ վերջին 10 տարվա ընթացքում տվյալ առարկայի դասավանդման մեթոդաբանության մշակման և (կամ) ուսուցիչների մասնագիտական կարողությունների բարձրացմանն ուղղված վերապատրաստման դասընթացների վարման փորձ,

3. Մանկավարժական նորարարական մեթոդների իմացություն, վերլուծական հմտություններ, տեղեկատվությունն առանձնացնելու և ընդհանրացնելու ունակություն, իրականացված աշխատանքների վերաբերյալ հաշվետվություններ և եզրակացություններ կազմելու հմտություն։