Հայաստանի Հանրապետության
Կրթության տեսչական մարմին
2023 թվականի փետրվարի 1-ին կայացավ ՀՀ կրթության տեսչական մարմնի կառավարման խորհրդի նիստը՝ ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ:
Նիստի օրակարգում ՀՀ կրթության տեսչական մարմնի ղեկավարի պաշտոնում Վաղարշակ Մատիկյանի թեկնածության քննարկումն էր՝ ՀՀ վարչապետին ներկայացնելու նպատակով։
Կառավարման խորհրդի նախագահ Ժ. Անդրեասյանի առաջարկով Վ. Մատիկյանը համառոտ ներկայացրեց իր կենսագրությունը, պատասխանեց կառավարման խորհրդի անդամների հարցերին, ներկայացրեց նաև իր տեսլականը կրթության ոլորտի բարեփոխումների վերաբերյալ։
Կառավարման խորհուրդը 6 կողմ և 1 դեմ ձայների հարաբերակցությամբ հավանություն տվեց ՀՀ կրթության տեսչական մարմնի ղեկավարի պաշտոնում Վաղարշակ Մատիկյանի թեկնածությանը և առաջարկեց ներկայացնել ՀՀ վարչապետի նշանակմանը։
