Հայաստանի Հանրապետության կրթության տեսչական մարմնի  (այսուհետ՝ Տեսչական մարմին) քաղաքացիական ծառայության հետևյալ ժամանակավոր թափուր պաշտոնը զբաղեցնելու վերաբերյալ

 Տեսչական մարմնի ռիսկի գնահատման, ստուգումների պլանավորման, վերլուծությունների և գնահատման վարչության գլխավոր մասնագետ (68-27.3-Մ2-1)  

Հիմնական գործառույթները՝

1. Իրականացնում է ՀՀ կառավարության կողմից հաստատված Տեսչական մարմնի ռիսկի վրա հիմնված ստուգումների մեթոդաբանությամբ (այսուհետ՝ մեթոդաբանություն) Տեսչական մարմնի վերահսկողության ոլորտներում (նախադպրոցական կրթության, հանրակրթության, նախնական մասնագիտական (արհեստագործական) և միջին մասնագիտական կրթության ոլորտներում) գործող տնտեսավարող սուբյեկտների գործունեության ոլորտների ռիսկերի վերլուծության և գնահատման աշխատանքներ.
2. Վերահսկողության և վիճակագրական տվյալների հավաքման արդյունքների հիման վրա իրականացնում է Տեսչական մարմնի կառուցվածքային ստորաբաժանումների (Հանրակրթության և Նախնական մասնագիտական և միջին մասնագիտական կրթության վարչություններ) վերահսկողության ոլորտներում գործող տնտեսավարող սուբյեկտների տեղեկատվական բազաների ձևավորման, թարմացման, փոփոխման և տնտեսավարող սուբյեկտների ռիսկերի վերագնահատման աշխատանքներ' ըստ մեթոդաբանությամբ սահմանված չափանիշների.
3. Իրականացնում է վերահսկողության ոլորտներում ռիսկերի կառավարման մեթոդաբանությունների, ծրագրերի մշակման և լրամշակման աշխատանքներ.
4. Իրականացնում է վերահսկողության ոլորտներում ռիսկերի կառավարման և ռիսկայնության վերանայման աշխատանքներ.
5. Իրականացնում է վարչությունում առկա տեղեկատվության փոխանակման աշխատանքներ՝ Տեսչական մարմնի ստորաբաժանումների, շահագրգիռ պետական մարմինների միջև.
6. Իրականացնում է ռիսկերի գնահատման արդյունքների վերլուծության հիման վրա Տեսչական մարմնի կողմից ստուգումների իրականացման տարեկան ծրագրի կազմման աշխատանքներ.
7. Տեսչական մարմնի ղեկավարի հանձնարարությամբ վերահսկողության ոլորտներում ռիսկերի գնահատման նպատակով իրականացնում է ստուգումներ և ուսումնասիրություններ.
8. Իրականացնում է վերահսկողական գործառույթների արդյունքում բացահայտված խնդիրների հետևանքների վերացման նպատակով տրված հանձնարարականների կատարման նկատմամբ վերահսկողության իրականացման աշխատանքներ (հետադարձ կապ).
9. Իրականացնում է իրավաբանական և ֆիզիկական անձանց կողմից ներկայացված դիմումներում բարձրացված հարցերի ուսումնասիրությունների և վերլուծության հիման վրա համապատասխան առաջարկությունների ներկայացման աշխատանքներ.
10. Վարչության լիազորությունների շրջանակներում իրականացնում է վերլուծությունների, հաշվետվությունների, առաջարկությունների, տեղեկանքների և միջնորդագրերի կազմման աշխատանքներ.

11.Իրականացնում է քաղաքացիների ընդունելություն

 Նշված ժամանակավոր թափուր պաշտոնը զբաղեցնելու համար պահանջվում է'

• բարձրագույն կրթություն,
• Կրթություն, որակավորման աստիճանը

կամ

• Գործառույթների իրականացման համար անհրաժեշտ գիտելիքներ:
• Համակարգչով և ժամանակակից այլ տեխնիկական միջոցներով աշխատելու ունակություն:
• Պաշտոնի անձնագրով սահմանված անհրաժեշտ կոմպետենցիաների տիրապետում:
• ՀՀ Սահմանադրության, «Քաղաքացիական ծառայության մասին» «Կառավարության կառուցվածքի և գործունեության մասին», «Նորմատիվ իրավական ակտերի մասին», «Տեսչական մարմինների մասին», «Պետական պաշտոններ և պետական ծառայության պաշտոններ զբաղեցնող անձանց վարձատրության մասին», «Պետական կառավարման համակարգի մարմինների մասին», «Նախադպրոցական կրթության մասին», «Հանրակրթության մասին», «Նախնական մասնագիտական (արհեստագործական) և միջին մասնագիտական կրթության մասին», «Կառավարչական իրավահարաբերությունների կարգավորման մասին», «Հայաստանի Հանրապետությունում ստուգումների կազմակերպման և անցկացման մասին» օրենքների, Վարչական իրավախախտումների մասին օրենսգրքի, ՀՀ աշխատանքային օրենսգրքի, Հայաստանի Հանրապետության կառավարության 2011 թվականի հոկտեմբերի 20-ի «Հայաստանի Հանրապետության պետական իշխանության մարմիններում աշխատանքային ծրագրերի կազմման, էլեկտրոնային փաստաթղթաշրջանառության համակարգ աշխատանքային ծրագրերի մուտքագրման, հաստատման, այդ համակարգով կատարողականների գնահատման և կատարողականների հիման վրա պարգևատրման կարգը հաստատելու մասին» N 1510-Ն, Հայաստանի Հանրապե­տության վարչապետի 2018 թվականի հունիսի 11-ի «Հայաստանի Հանրապետության կրթության տեսչական մարմնի կանոնադրությունը հաստատելու մասին» N 729-Լ, Հայաստանի Հանրապե­տության կառա­վարության 2019 թվականի օգոստոսի 22-ի «Հայաստանի Հանրապետության կրթության տեսչական մարմնի' ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը հաստատելու մասին» N 1153-Ն որոշումների և իր լիազորությունների հետ կապված իրավական այլ ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունա­կու­թյուն:
• Հանրային ծառայության առնվազն երկու տարվա ստաժ կամ երեք տարվա մասնագիտական աշխատանքային ստաժ կամ կրթության կամ գիտության բնագավառում' երեք տարվա աշխատանքային ստաժ:
• Աշխատավարձի  չափը՝ 212 309 (երկու հարյուր տասներկու հազար երեք հարյուր ինը) ՀՀ դրամ:
• Աշխատանքի վայրը՝ Հայաստան, ք. Երևան, Արաբկիր վարչական շրջան, Կոմիտասի պող․ 37/4:
• Ընտրություն կատարելու եղանակը՝ դիմում ներկայացրած քաղաքացիների փաստաթղթերի ուսումնասիրություն:

Ժամանակավոր թափուր պաշտոնը զբաղեցնելու ժամկետը սահմանվում է մինչև հիմնական աշխատողի վերադարձը:

• Վերը նշված  պաշտոնը կարող են զբաղեցնել՝ տվյալ պաշտոնի անձնագրով ներկայացվող պահանջները բավարարող, հայերենին տիրապետող, 18 տարին լրացած Հայաստանի Հանրապետության քաղաքացիները:  Քաղաքացիական ծառայության պաշտոն զբաղեցնելու առավելագույն տարիքը 65 տարին է:
• Հանրային ծառայության ընդունվելու իրավունք չունի այն անձը, ով՝
• 1)դատական կարգով ճանաչվել է անգործունակ կամ սահմանափակ գործունակ.
• 2)դատական կարգով զրկվել է հանրային ծառայության պաշտոն զբաղեցնելու իրավունքից.
• 3)տառապում է այնպիսի հիվանդությամբ, որը հանրային ծառայության տվյալ պաշտոնի նշանակվելու դեպքում կարող է խոչընդոտել իր լիազորությունների իրականացմանը.
• 4)դատապարտվել է հանցագործության համար, և դատվածությունը սահմանված կարգով հանված կամ մարված չէ.
• 5)օրենքի խախտմամբ չի անցել ժամկետային պարտադիր զինվորական ծառայություն։

• Ընտրություն կատարելու եղանակը՝ դիմում ներկայացրած քաղաքացիների փաստաթղթերի ուսումնասիրություն
• Ժամանակավոր թափուր պաշտոնը զբաղեցնելու ժամկետը սահմանվում է մինչև հիմնական աշխատողի վերադարձը:
•  

Դիմող ՀՀ քաղաքացիները Տեսչական մարմին (ք. Երևան, Կոմիտասի 37/4) պետք է ներկայացնեն հետևյալ փաստաթղթերը'

* գրավոր դիմում (ձևը լրացվում է փաստաթղթերը ներկայացնելիս),

* անձնագիր կամ նույնականացման քարտ՝ պատճեններով (եթե անձը նույնականացման քարտ չի ներկայացնում, ապա անհրաժեշտ է ներկայացնել հանրային ծառայության համարանիշ կամ անձին հանրային ծառայության համարանիշ տրամադրելու մասին տեղեկանք կամ հանրային ծառայության համարանիշի տրամադրումից հրաժարվելու մասին տեղեկանք՝ պատճեններով),

* տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/ պատճեները բնօրինակների հետ միասին, աշխատանքային գրքույկի պատճենը (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճեները բնօրինակների հետ միասին,

* արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը՝ բնօրինակի հետ միասին, կամ համապատասխան տեղեկանք,

* մեկ լուսանկար 3x4 սմ չափսի:

ՀՀ քաղաքացին փաստաթղթերը հանձնում է անձամբ:

Փաստաթղթերն ընդունվում են սույն թվականի ապրիլի 5-ից 7-ը ներառյալ՝ ժամը 11:00-ից  մինչև 16։00-ը:

Լրացուցիչ տեղեկություններ ստանալու համար կարող եք դիմել Տեսչական մարմին /ք.Երևան, Կոմիտասի 37/4, հեռ. 010 203053։

Դիմումների ընդունման վերջնաժամկետ ՝ 07 ապրիլի 2022թ.

Պաշտոնի անձնագիր